رحم الله الكادحات

نوصيك وصية يا مضنوني...
نا خارجة ولاحڨة كميوني...
أقرى ورتحني من همومي...
لا نوم مازلت نشبحه في جفوني...
بالعلم أرفع رأسك ولا تحشموني...
من النجمة نوض وأكتب في فراشي...
محال نخلي ساسي ونترك فأسي...
جمع أغراضي وتحمل أنفاسي...
أحفظ دروسك وتفكر ڤداش نڤاصي...
حليب حرة سڨيته لذريراتي...
الفولارة ديرها علم في دويراتي...
وراية الجبين حملتها وحملتني...
صبرت معي وما كرهتني...
ولايوم تبرمت ولا عادتني...
في الڨايلة ديمة مساندتني...
وطول الطريق ملازمتني...
برة برة زينة ياإلي ورتني...
ڨداش من حزينة في وطني ...
ماأوجعها الأيام في حكاياتي...
وأشكون يلهى ببنياتي...
ويدير باله على شويهاتي...
دوار كامل جنة في عويناتي...